🌨️❄️☃️Happy Marry Christmas & 3 Years 6 Months Anniversary Day🎊🎉❤️

သိပ်ချစ်ရပါသော ကိုကို့ မိန်းကလေးရေ …

ကိုကိုတို့ ပြန်ဆုံကြရမယ့် ရက်ကလေးတောင် မဝေးတော့ဘူးနော်။ ဒီ Weekend ကိုကျော်လွန်ပြီးတာနဲ့ ကိုကိုတို့ရင်ခြင်းအပ်ပွေ့ဖက်နိုင်မယ့် နေ့ကို ရောက်လာတော့မှာပါ။ ကိုကိုတော့ ပျော်တယ်သဲငယ်ရေ။ လွန်ခဲ့တဲ့နှစ်အပိုင်းအခြားတွေမှာ ကိုကိုတို့ မျှော်လင့်စောင့်စား ကြိုးစားလာခဲ့တာ အတူပေါင်းဖက်ပြီးပျော်ရွှင်စွာနေထိုင်သွားကြဖို့ပဲမဟုတ်လား။ အခုတော့ လိုချင်ခဲ့တဲ့ပန်းတိုင်ဆီကို ကိုကိုတို့ရောက်ခဲ့ပြီပေါ့ကွယ်။ နောက်ထပ်လည်း နှစ်ဦးသား အတူရောက်ရှိဖို့ ကြိုးစားရမယ့်အရာလေးတွေကိုလည်း တစ်ခုခြင်း တစ်ခုခြင်း ကြိုးစားရယူသွားကြမယ်လေနော် …

ကိုကို့အမျိုးသမီးလေးရေ ….

ပြန်ဆုံကြရတော့မှာ မကြာတော့မှန်းသိပေမယ့်လည်း လွမ်းတယ်ကွယ်။ အနားမှာ အမြဲကို ရှိနေစေချင်တော့တာ။ သဲငယ်နဲ့ဆုံတဲ့အခါ ဘာတွေလုပ်မယ်၊ ဘယ်တွေသွားမယ်ဆိုပြီး စိတ်ကူးယဉ် ပလန်တွေ ထားလိုက်ရတာလည်း အမောပါပဲ။ တကယ်တမ်း မင်္ဂလာပွဲအတွက် နှစ်ဦးသားပြေးလွှားစီစဉ်ရမှာလည်း သိပါရဲ့။ အချိန်တွေလောက်ပါ့မလားရယ်လို့လည်း တွေးမိပေမယ့်လည်း စိတ်ကူးကတော့ ယဉ်ဖြစ်လိုက်တာပါပဲကွယ်။ တချို့သောအရာတွေကတော့ တကယ့်ကို မဖြစ်မနေလုပ်ဖြစ်မယ့် အရာတွေပေါ့။ အတူသွား အတူစားပြီး နေ့တာတွေကို အတူတူ ကုန်လွန်စေကြမယ်နော် …

ပါပါးရဲ့မာမားရေ ….

အတူတူ တည်ဆောက်ကြမယ့် နှစ်ဦးသားရဲ့ တစ်ခုတည်းသော ဘဝအတွက် ကိုကိုတို့ဟာ ကိုယ့်ပတ်ဝန်းကျင်က လေ့လာရရှိနိုင်ခဲ့တဲ့ သင်ခန်းစာတွေကို အကောင်းဆုံး အသုံးချလို့ အမှားမယွင်းမရှိ မယိုင်မလဲပဲ တည်ဆောက်သွားကြမယ်နော်။ ဘာအကြောင်းကြောင့်နဲ့မှ ကိုကို့အနားသဲငယ်မရှိလို့မဖြစ်သလို သဲငယ်အနားမှာလည်း ကိုကိုမရှိလို့မဖြစ်ဘူးလို့ ခံယူထားတယ်မို့လား။ ကိုကို့ရဲ့ ဒီကမ္ဘာပေါ်မှာ တစ်ဦးတည်းသော Special Only One မို့ အရာအားလုံးထက်တန်ဖိုးထားချစ်မြတ်နိုးရပါတယ်ကွယ်။ တစ်ဦးအပေါ်တစ်ဦး ပျော်ရွှင်စရာတွေဖန်တီးတည်ဆောက်ပေးကြရင်း ကိုကိုတို့ရဲ့ အိမ်ထောင်သည်ဘဝဟာ ဘယ်လောက်အားကျဖို့ကောင်းသလဲဆိုတာ လူတိုင်းကိုပြလိုက်ကြစို့နော် …

ချမ်းလည်းချမ်း / လွမ်းလည်းလွမ်းနေတဲ့ 

ကိုကို

Save Date ~ 25/11/2025

3Y6M Anni Day

Marry Christmas